Y Cyng. Antony W Bertola, 2025-2026
Cafodd Maer newydd Llandudno, y Cyng. Antony W Bertola ei hurddo ar ddydd Gwener, Mai’r 23ain 2025. Cynhaliwyd y seremoni yn yr Ystafell Gyfarfod, Neuadd y Dref Llandudno. Roedd modd i aelodau’r Cyngor Tref fod yn bresennol yn y digwyddiad neu ymuno ar-lein dros Zoom.
Bu i’r Cyng. Bertola dalu teyrnged i’r Maer blaenorol, y Cyng. Michael A Pearce ac fe estynnodd ddiolch iddo am ei holl waith caled ar ran y Cyngor yn ystod ei flwyddyn Faerol.
Bu i’r hen Faer gynnig ei gefnogaeth i’r Maer newydd a dymunodd iddo flwyddyn lwyddiannus a llawen yn ei swydd. Cafodd y Cyng. Carol Marubbi ei hurddo fel Maeres yn ogystal.
Digwyddiadau Maerol
Mae gan y Maer ddyddiadur llawn digwyddiadau sy’n amrywio o achlysuron Dinesig yn Llandudno a threfi cyfagos, i agor siopau a busnesau eraill, cyflwyno gwobrau mewn seremonïau cymdeithasol a chwaraeon, a mynychu digwyddiadau wedi’u trefnu gan grwpiau gwirfoddol a chymunedol.
Os hoffech chi wahodd y Maer i fynychu digwyddiad rydych yn ei drefnu, cysylltwch gydag Ysgrifennydd y Maer ar 01492 879130 neu e-bostiwch assistant@llandudno.gov.uk
MANYLION BYWGRAFFIADOL
Ganwyd y Cyng. Antony Bertola yn Wilmslow, Swydd Gaer. Cafodd blentyndod Llu Awyr Brenhinol gan fod ei Dad yn Hyfforddwr Hyfforddiant Corfforol i’r Llu Awyr Brenhinol a chafodd ei fagu yn RAF Benson, Swydd Rhydychen. Pan roedd yn 12, fe symudodd ei deulu i RAF St Athens yn Ne Cymru. Llai na deunaw mis yn ddiweddarach, cafodd ei Dad ei anfon i Ogledd Cymru i gynnal y Ganolfan Gweithgareddau Awyr Agored yn Llanrwst, yna fe wnaethon nhw symud i fyw yn Llandudno, ac ymgartrefu yno.
Aeth Antony i Ysgol John Bright, cyn cychwyn ei yrfa gyda British Telecom, fel Peiriannydd i gychwyn ac yn dilyn hynny fe gymrodd yr awenau fel Gweithredwr Cyfrifon dros swyddfeydd ym Manceinion a Bae Colwyn. Bu’n ymdrin â Mentrau Bach a Chanolig a chleientiaid masnachol yn y sector Busnes ledled Gogledd a Chanolbarth Cymru a Gogledd-orllewin Lloegr. Mae gan Antony ddau fab sydd wedi tyfu fyny bellach, Toby a Theo, ac mae’n falch iawn ohonyn nhw.
Bu Antony yn angerddol dros chwaraeon ers erioed, unrhyw chwaraeon gallai gymryd rhan ynddyn nhw. Mae wedi chwarae rygbi i Glwb Rygbi Llandudno, pêl-droed a sboncen. Ar hyn o bryd mae Antony yn Hyfforddwr ffitrwydd, hyfforddwr nofio a hyfforddwr personol.
Yn 2017, daeth Antony yn Gynghorydd Tref ar ran Ward Craig-y-Don. Mae’n falch dros ben o gydweithio gyda’i gyd-gynghorwyr ac mae wedi gwasanaethu ar bob un o’r prif bwyllgorau a nifer o’r is-bwyllgorau. Bu’n Gadeirydd ar Is-bwyllgor Gorymdaith y Nadolig ers 2017. Etholwyd Antony hefyd fel Cynghorydd Bwrdeistref Sirol Conwy yn 2022. At hyn, mae’n Llywodraethwr Ysgol yn Ysgol Craig-y-Don ac Ysgol Bodafon, cynrychiolydd Cyngor Tref ar ran Band Tref Llandudno ac ymddiriedolwr ar ran Cyngor Ar Bopeth Conwy ar hyn o bryd.
Mae’n fraint o’r mwyaf gan y Cyng. Bertola gael ei ethol i wasanaethu fel Maer Llandudno.
