Gwobrau Llandudno yn ei Blodau 2026

Roedd yn fraint o’r mwyaf gan Gyngor Tref Llandudno gynnal Seremoni Wobrwyo Llandudno yn ei Blodau yn Neuadd y Dref ar Fedi’r 28ain 2026, gan glodfori ymdrechion gwerth chweil preswylwyr, busnesau a mudiadau ledled y dref sy’n sicrhau bod ein tref yn le mor hardd i fyw, gweithio ac ymweld â hi.

Eleni, roedd amrywiaeth o ymgeision ledled ystod o gategorïau, gan gynnwys tai llety, gwestai, tafarndai, ysgolion, eglwysi a gerddi preifat i gyd yn arddangos eu hymdrechion anhygoel.

Derbyniodd yr ymgeiswyr eu tystysgrifau, cwpanau a thariannau categori ac fe ddatgelwyd prif enillwyr 2026 yn ystod y seremoni.

Gwobr Bioamrywiaeth a Chynaliadwyedd:
Jo Green, Bryn Dedwydd, Lôn Bryn Gwynt, Ochr Penrhyn

Gardd Orau yn Ward Mostyn y Maer:
Gwesty Tynedale

Llongyfarchiadau i Ian a Jennie Holland, Mulcan, Lôn Bryn Gwynt, Ochr Penrhyn, a gipiodd nid yn unig y teitl am yr Ardd Orau Gyffredinol, ond a gafodd eu coroni’n Enillwyr Cyffredinol Llandudno yn ei Blodau 2026 hefyd!

Dywedodd y Maer, y Cyng. Mandy Hawkins….

“Hoffwn achub ar y cyfle i estyn diolch i bawb a wnaeth gystadlu yn Llandudno yn ei Blodau eleni. Rydym wir yn gwerthfawrogi’r amser, y gofal a’r ymrwymiad gan bobl i greu a chynnal a chadw’r mannau hardd hyn. 

Ein preswylwyr, busnesau, ysgolion, grwpiau cymunedol a gwirfoddolwyr sy’n cymryd rhan a helpu i gynnal yr ymdeimlad o falchder yn Llandudno.

Roedd safon yr ymgeision yn anhygoel, ac rwy’n falch iawn nad oedd gofyn imi gyflawni’r dasg anodd o’u beirniadu!

Roedd yn bleser croesawu pawb i’r noson wobrwyo a helpu cyflwyno’r gwobrau, gan longyfarch yr enillwyr a phawb wnaeth gymryd rhan yn ogystal.

Un peth a oedd yn amlwg iawn imi oedd clywed faint o fwynhad y mae pobl yn ei deimlo o arddio. P’un a yw’n fasged grog, ambell i botyn ar batio, gofod cymunedol neu ardd gyflawn, mae’n ennyn gwir ymdeimlad o falchder a gallai roi hwb sylweddol i’ch lles.

Felly, hoffech chi gymryd rhan?

Waeth pa mor fach neu fawr ydy’ch gofod, hoffem eich croesawu i gystadlu yng nghystadleuaeth y flwyddyn nesaf. Rwy’n edrych ymlaen yn arw at weld eich creadigrwydd ar waith”

Hoffwn estyn diolch enfawr hefyd i’r Noddwyr Gwobrau hael, am eu cymorth i ddarparu’r tlysau arbennig, ac i’n tîm gwych o feirniaid gwirfoddol y gystadleuaeth sy’n rhoi o’u hamser i ymweld ag ac asesu’r holl ymgeision.

Llongyfarchiadau unwaith eto i’n holl ymgeiswyr ac enillwyr yn 2026  - mae eich gwaith caled, creadigrwydd ac angerdd tuag at ein tref yn gwneud gwahaniaeth aruthrol.

Bydd y ffurflenni ymgeisio ar gyfer Llandudno yn ei Blodau 2027 ar gael yn y Gwanwyn, ac rydym yn gobeithio gweld hyd yn oed mwy o erddi preifat a mudiadau yn cymryd rhan.

---

Newyddion